امریکی حملے کے بعد ایران کے جزیرے خارگ سے بدستور ٹینکرز پر تیل لوڈ کیا جا رہا ہے۔

بحری ٹینکروں کی نقل و حرکت پر نظر رکھنے والے پلیٹ فارم ٹینکر ٹریکرز نے رپورٹ جاری کی ہے۔

رپورٹ کے مطابق امریکی حملے کے بعد ایران کے جزیرے خارگ سے بدستور ٹینکرز پر تیل لوڈ کیا جا رہا ہے، خارگ جزیرے پر 7 ٹینکر تیل لینے کے لیے کھڑے ہیں، پانچ ٹینکروں پر تیل لوڈ کر دیا گیا ہے۔

ٹینکر ٹریکرز کا کہنا ہے کہ خارگ جزیرے پر 2 ٹینکرز تیل لینے کے منتظر ہیں۔

خیال رہے کہ امریکا نے جمعے کی رات ایرانی جزیرے خارگ پر حملے کیے تھے۔

خارگ جزیرہ خلیج فارس میں ایران کے ساحل کے قریب تقریباً پانچ میل طویل جزیرہ ہے جو ایران کی تیل برآمدات کا مرکزی مرکز سمجھا جاتا ہے، ماہرین کے مطابق ایران کی تقریباً 90 فیصد خام تیل برآمدات اسی جزیرے کے ذریعے ہوتی ہیں۔