محبت اور عزت سب کا حق ہے“، سالگرہ کے موقع پر وزیر مومیتا نے صفائی کارکنوں کے پاو¿ں دھوئے
ریاستی وزیر مومیتا بسواس مشرا نے اپنی سالگرہ کے موقع پر ایک منفرد مثال قائم کی۔ ریاست کے صنعت، تجارت اور کاروباری امور کے محکمے کی وزیر مملکت نے اپنی سالگرہ کے دن صفائی کارکنوں کے پاو¿ں دھوئے۔ مومیتا نے بردوان سے انتخاب جیتنے کے بعد وزارت کی ذمہ داری سنبھالی ہے۔ وہ بردوان شہر اور آس پاس کے علاقوں کی ترقی پر بھی خصوصی توجہ دے رہی ہیں۔ شہر کو صاف ستھرا اور سرسبز بنانے کے لیے کام بھی شروع کیا گیا ہے۔ اسی دوران انہوں نے اپنی سالگرہ ایک انسانی ہمدردی پر مبنی اقدام کے ذریعے منائی۔
اس موقع پر بردوان شہر کے وارڈ نمبر 6 میں ایک خصوصی تقریب کا انعقاد کیا گیا، جس میں صفائی کارکنوں کو مدعو کیا گیا تھا۔ وزیر مملکت نے ان کی عزت افزائی کی۔ صرف یہی نہیں بلکہ انہیں اسٹیج پر کرسیوں پر بٹھایا گیا اور وزیر نے خود اپنے ہاتھوں سے ان کے پاو¿ں دھوئے۔
صفائی کارکن مسلسل محنت کرکے شہر کو صاف رکھتے ہیں۔ اسی لیے وزیر نے ان کے تئیں اظہار تشکر کیا۔
لیکن اس منفرد اقدام کے پیچھے کیا وجہ تھی؟ اس بارے میں وزیر مومیتا بسواس مشرا نے کہا، ”پہلے بردوان شہر میں جگہ جگہ گندگی اور کچرے کے ڈھیر نظر آتے تھے۔ انتخاب جیتنے کے بعد سے ہی شہر کو کلین سٹی، گرین سٹی بنانے کے مقصد سے صفائی کا کام شروع کیا ہے۔ صفائی کارکن شہر کو صاف رکھتے ہیں۔ خواتین بھی اس کام میں حصہ لیتی ہیں۔“
وزیر نے مزید کہا، ”گھر میں اپنے خاندان کی ذمہ داریاں نبھانے کے ساتھ ساتھ یہ خواتین شہر کی صفائی کا کام بھی کرتی ہیں۔ شہر کو صاف ستھرا اور خوبصورت رکھنے میں ان کا اہم کردار ہے۔ ان کی خدمات کو عزت دینے کے لیے ہی یہ خصوصی اقدام کیا گیا ہے۔“
انہوں نے مزید کہا، ”محبت اور عزت سب کا حق ہے۔“ اسی سوچ کے تحت مومیتا نے صفائی کارکنوں کو اس انداز میں عزت و احترام پیش کیا۔
”انسانیت کی خدمت ہی خدا کی خدمت ہے“ کے تصور کو سامنے رکھتے ہوئے ان کی سالگرہ کی اس خصوصی تقریب نے لوگوں کے ساتھ کھڑے رہنے کا پیغام دیا۔ وزیر کے اس اقدام کو مختلف حلقوں کی جانب سے سراہا گیا ہے۔
محبت اور عزت سب کا حق ہے“، سالگرہ کے موقع پر وزیر مومیتا نے صفائی کارکنوں کے پاو¿ں دھوئے...
Source: Admin
